استعدوا لفارق احبائكم"

اول ما صارت الاصابات تزداد نزلت بوست "استعدوا لفارق احبائكم".. قسم ضحكوا وقسم استهزأوا وقسم گالوا انت بوستاتك تشاؤمية، ليش ما تكتب شغلات ترفع المعنويات.
يا ناس يا عالم، الوضع مو خطر بل كارثي.. المؤسسات الصحية انهارت وسقطت ودا يصير تعتم اعلامي من الحكومة لان كل يومية دا نخسر مجموعة منهم، لدرجة اذا انصاب واحد منهم، ما ينطوا اجازة او يحجروا، يخلوا يدوام والسبب هو نقص الملكات الصحية لسد الحاجة وعدم قدرة الحكومة تعيين الوجبة الجديدة لان ميزانية العراق منهارة
والدليل راحوا استجدوا فلوس من السعودية.
وهسه صار الكاد الطبي مصدر لنقل الفيروس للمرضى.
بالنسبة للعلاج الروسي او ايا كان، لحد يبني امال كبيرة عليه لان هذني ادوية تقلل شدة الاصابة مو تعالج والدليل روسيا حتى هاي اللحظة عدة وفيات هواي.. واي شي ما يطلع من امريكا، لا تعتمدوا عليه هواي.
العراق نحو ايطاليا او يتجاوز ايطاليا لان اعرف طبيب عراقي استاذ وخبير بعلم الاوبئة اتوقع ارتفاع نسبة الاصابات الى ارقام مرعبة بناءعلى الوضع الي عاشه وشافه بالعراق.. وگال ما راح يفيد العراق الا اذا اكتشفوا اللقاح.
الوعي الوعي الوعي.. التزموا بالوقاية، ادركوا خطورة الفيروس، تره هسه انتم دا تمشون بحقل ألغام ودا تقاتلون عدو غير مرئي.
اسلحتكم :
الكمامة الكفوف المعقمات الابتعاد عن الاختلاط والتجماعات